Lo drapo kiltirel rényoné la fénésans raport nana in takon militan  kiltirel téi domann. Anplis in tralé anparmi zot té argroupé anndan bann zasosyasyon  nana dan zot règlomandlwa in pwinndvizé i tyinbotak  sanm la kiltir rényoné.  Porézon mandoné lo Mouvman  Lantant Koudmin, la désid fé in lankèt  èk bann militan Kiltirel épi  lézot moun.

So lankèt la komansé an févriyé  1995  po fini an févriyé  1997. Lo rézilta so lankèt la èd désidé san mayaz, bann koulèr  i tyinbo fransvérité sanm la kiltir rényoné.

Lo koulèr rouz i arprézant so volkan la fénésans Larényon épi an minm tan li arprézant lo batay bann militan kiltirel la anvoyé po la liberté.
 
Lo koulèr zone  i arprézant lo solèy.

Lo koulèr nwar i arprézant in morso listwar bann  zansèt zésklav  konm  bann zésklavazis  sanm la Frans kolonizatèr so lépok si la tèr rényoné.

Lo koulèr  blé-syèl i arprézant lo syèl èk Loséan Indyin.

Lo Koulèr  ver i arprézant bann karodbwa, i fé lo vézétasyon rényoné.

Lo maryaz tout so bann koulèr i arprézant  lo zanbrokal kiltirèl  la fénésans larkansyèl  linité rényoné.
Bann rényoné konm bann breton, bann  kors, bann bask ,bann zoksitan nana in lidantité kiltirèl  prop-azot.

Sak group domoun nana zot prop manir-war. Lo pwindvizé dan lo finfonnkèr  so drapo kiltirèl rényoné  lé fénésansé po arprézanté lidantité kiltirèl rényoné.

Porézon  alerdzordi  dann tout bann manifestasyon kiltirèl ,lo rényoné i pé lèv anlèr san movéfon sanm dinité so bann koulèr.
 

artourné